طالبان یک معلم مکتب را به شهادت رساندند

پارون 11 اسد باختر
افراد وابسته به گروه طالبان درولایت نورستان درشرق کشور یک معلم مکتب را امروزتیرباران کردند.
این معلم در ولسوالی کامدیش در نزدیکی نوار دیورند ظاهرأ به جرم اینکه معلم مکتب بوده ، گرفتار و به شهادت رسانده اند.
یک قوماندان پولیس مرزی درشرق کشور به آژانس باخترگفت که این معلم سه روز پیش از قریه درمیان ولایت های نورستان و کنر ربوده شد و بامداد امروز ازسوی افراد وابسته به گروه طالبان دربرابر چشمان ده ها دهاتی تیرباران گردید.
اوگفت تنها جرم این معلم این بود که دریک مکتب رسمی دولتی مشغول تدریس به شاگردان بوده است.
تاکنون طالبان دراین باره چیزی نه گفته اند.
افراد وابسته به گروه طالبان درولایت نورستان درجریان سه سال اخیر چندین غیرنظامی ازجمله معلم مکتب رابه دلیل اینکه درمکاتب دولتی تدریس می کرده اند تیرباران کرده اند.
طالبان هرفردی را که به هر نحوی در نظام افغانستان کارمی کند ،دشمن خود می خواند و به آن حمله می کند.