پنجشیر / باختر/ 20/ دلو
شفاخانه معتادین درچوکات ریاست صحت عامه ولایت پنجشیر تاسیس و کار آن عنقریب آغاز میگردد.
داکتر حامد احمدی مسوول صحت عامه ولایت پنجشیر میگوید: شفاخانه تداوی معتادین که متشکل از نزده کارمند میباشد، درتشکیل ریاست صحت عامه آن ولایت از جانب وزیر صحت عامه منظور شده و قرار است کار آن عملاً آغاز گردد.
به گفته احمدی، این شفاخانه دارای بیست بستر بوده و دربخش های تداوی افرادیکه مصاب به چرس ، هیروئین ، پودر و غیره دخانیات میباشند، فعالیت خواهد کرد.
