کابل(بی این اے) نیشنل اسٹینڈرڈ ادارے نے غیر معیاری تیل کے 13 ٹینکرز ایران کو واپس کردیے۔
نیشنل اسٹینڈرڈ ادارے نے ایک پریس ریلیز میں کہا کہ غیر معیاری تیل (ڈیزل اور پٹرول) کے 13 ٹینکرز جو ادارے کے معیار پر پورا نہیں اترتے تھے فراہ سرحد کے ذریعے ایران کو واپس کر دیے ہیں۔
رپورٹ میں مزید کہا گیا ہے کہ حال ہی میں نیشنل اسٹینڈرڈ ادارے نے غیر معیاری تیل کی درآمد کو روکنے کے لیے عملی اقدامات کیے ہیں۔
ادارے نے تمام تاجروں سے درخواست کی ہے کہ وہ ملک میں معیاری اشیاء درآمد کریں، بصورت دیگر انہیں قانونی کارروائی کا سامنا کرنا پڑے گا۔
یاد رہے کہ ادارے نے امارت اسلامیہ کی آمد کے بعد سے غیرمعیاری پیٹرولیم مصنوعات کے سینکڑوں ٹینکرز متعلقہ ممالک کو واپس کردیے ہیں۔
