کابل( بی این اے ) ترکی کے سفیر جنک اونال کا کہنا ہے کہ ترکی اور افغانستان کے درمیان دوستی کی علامت کے طور پر ہرات میں ایک خصوصی میوزیم بنایا جا رہا ہے۔
انہوں نے یہ اعلان ہرات میں اطلاعات و ثقافت کے صوبائی سربراہ مولوی احمد اللہ متقی سے ایک ملاقات کے دوران کیا۔
انہوں نے کہا کہ انقرہ صوبہ ہرات میں ایک خصوصی میوزیم بنانے اور دیگر ثقافتی اور تعمیراتی منصوبے شروع کرنے کا ارادہ رکھتا ہے۔
یاد رہے کہ ترکی صوبہ ہرات میں مختلف منصوبوں پر کام کر رہا ہے، جیسے کہ ہرات کی جامع مسجد، مولانا سمپوزیم، دارالفنون نمائش، بہزاد گیلری اور علی شیر نوائی لائبریری جس کی تعمیر جاری ہے۔
اونال نے یہ بھی کہا کہ زیر زمین مسجد، شہزادہ تخت، آرٹ کی ترقی کے لیے دستکاری کے کارخانے، نستعلیق کتابوں کی طباعت اور لائبریری کی تعمیر نو کا کام 2024ء میں مکمل کرنے کا فیصلہ کیا گیا ہے۔
ہرات کے ڈائریکٹر اطلاعات و ثقافت مولوی احمد اللہ متقی نے صوبے میں ٹیکا ترک آفس کی سرگرمیوں، خاص طور پر تاریخی مقامات کی بحالی پر ان کا شکریہ ادا کیا۔ انہوں نے واضح کیا کہ اس صوبے میں 850 سے زائد تاریخی آثار ہیں جن میں سے کچھ ہزاروں سال سے پرانی ہیں۔
احمد اللہ متقی نے ہرات کے زلزلے میں بعض تاریخی عمارتوں کی تباہی کا بھی حوالہ دیا اور ترکی سے ان عمارتوں کی بحالی میں مدد کا مطالبہ کیا۔
