کابل، ۳۰ قوس، باختر
افغانستان اسلام امیرلیگی وزیرلیگی نینگ اقتصادی مسألهلر بوییچه اورینباسری ملا عبدالغنی برادر آخوند قندوزگه سپین زر دولت شرکتی فعالیتینی کوریش اوچون تشریف بویوردی.
اوشبو باش وزیرلیک اورین باسری نینگ مطبوعات خدمتی خبرنامهده شوندهی یازهدی: ملا برادر آخوند ذکر ایتیلگن شرکتی فعالیتینی یوقاری بهالهدی و بو متصدیلر نینگ سعی – حرکتلرینی یوقاری بهالهدی.
مملکتده اسلام امیرلیگی قَیته تیکلنگهچ، سپین زر دولت شرکتی زمانوی اسکونهلر بیلن جهازلندی و خاماشیا بیلن تأمینلش آرقهلی اونینگ اقتصادی غیلدیرهگی حرکتگه کیلتیریلدی.
عینِ پیتده مذکور کارخانه پختهنی قَیته ایشلش، اوسیملیک یاغی، کنجاره، تورلی صابونلر، قول کاغذلری، موز و تورلی اولچمدهگی پلاستیک ایدیشلر ایشلب چیقریش بیلن شغللنهدی.
تأکیدلنیشیچه، باش وزیرلیک اداره سی نینگ اقتصاد بوییچه اورینباسری ملا عبدالغنی برادر آخوند هم قندوز نینگ محلی متصدیلری بیلن اوچرهشیب، ینهده یخشی ایشلش اوچون ضرور کورسهتمهلر بیرگن.