کابل، ۱۱ دلو، باختر
افغانستان اسلام امیرلیگی مطبوعات کاتبی مولوی ذبیح الله مجاهد نینگ ایتیشیچه، افغانستان فساد دن خالی دولت.
افغانستان جهانی شفّافلیک تشکیلاتی نینگ سونگگی حسابیگه کوره ۱۶۲- اوریننی ایگهللهگنیدن سونگ، مجاهد اوزی نینگ ایکس صحیفهسیده شوندهی یازگن ایدی: “افغانستان فساد دن خالی دولت. جهانی شفّافلیک حساب-کتابیده افغانستان هم ۱۶۲- اوریننی ایگهللهگن، بو یخشی موفقیتلیک دیب اتهدی .”
افغانستان اسلام امیرلیگی مطبوعات کاتبی قوشیمچه قیلدی: «افغانستان نینگ اوتگن ییلگه نسبتاً تورت درجهگه پهسهیگنی افغانستانده فساد کوچهیگنینی انگلهتمهیدی، لیکن بعضی مملکتلرده شفّافلیک درجهسی آشگن بولیشی ممکن. افغانستاندن تورت درجهگه آشیب کیتدی».
شفّافلیک تشکیلاتی ۲۰۲۳- ییلده دنیا نینگ ۱۸۰ ته دولتیده مأموری شفّافلیک حالتینی کوریب چیقدی و تصنیفلهدی.
اوشبو تصنیفگه اساسلنیب؛ ۱۰۰ بالدن (امتیاز دن) ۲۰ بال توپلهگن افغانستان ۱۶۲- اورینده، تاجیکستان، سودان، میانمار، کنگو دموکراتیک جمهوریتی، کومور، بوروندی و چاد بیلن بیرگه.
ایسلهتیب اوتمیز، ۲۰۲۲- ییلده افغانستان ۲۴ نمره بیلن ۱۵۰- اوریننی ایگهللهگن بولسه، ۲۰۲۱- ییلده ۱۶ بال بیلن ۱۷۴- اوریننی ایگهللهگن ایدی.