افغانستان‌نینگ ایرانگه ییتیب بارگن هیأتی، اوشبو دولت بیلن 350 مینگ تُن نفت ساتیب آلیش بوییچه شرطنامه امضاءله‌گن.
شوندی بیر حالده اسلام امیرلیگی مالیه وزیرلیگی ترقتگن کونده‌لیگی-ده؛ مملکت-ده نفت محصولات‌لری بهاسی‌نی نظارت قیلیش و کمه‌یتیریش مقصدی-ده افغانستان حکومتی 350 مینگ تُن نفت محصولاتینی، ایران‌دن وارد قیله‌دی.
شو اساس بیلن قوشمه هیأت، مالیه وزیرلیگی، ایچکی ایشلر وزیرلیگی، سوداگرلیک وزیرلیکلری و شونینگدیک افغانستان دولتی نفت و گاز شرکتی و استندردلش اداره‌سی ایران-دن نفت ساتیب آلیش مقصدیده اوشبو مملکت‌گه سفرقیلگن ایدی‌لر؛ اولر ایران‌نی خصوصی سهامدار شرکتی بیلن جاری ییل ده افغانستانگه انتقال بیریله‌دیگان 350 مینگ تُن نفت محصولاتی ساتیب آلیش بوییچه شرطنامه امضاءله‌دی و بیر نیچه کوندن کیین مملکت بازارلریده نفت محصولات‌لری نرخی قویی کیله‌دی.
شونینگدیک کوپیتیریشیچه، ایکی تمان کیلیشوویگه کوره، ایران نفتی محصولات‌لری بیلن شغللنه‌دیگن افغانستان‌لیکلرگه تیگیشلی بولگن خصوصی شرکت‌لر افغانستان حکومتی تمانیدن رسماً تانیشتیرله‌دی.
کونده‌لیککه کوره، اوشبو هیأت ایران جمهور رئیسی‌نینگ افغانستان‌ده‌گی وکیلی، نفت مسووللری محصولات‌لرینی ساتیب آلیش، صفتی و نرخی، افغانستانگه آلیب کیریش خصوصی‌ده صحبت‌لشگن.
هیأت شونینگدیک، نفت خط لوله‌سی اوزه‌یتیریش، نفتنی قیته ایشلب چیقاریش فابریکه‌لری قوریش مسئله‌لرینی هم محاکمه قیلیب و قوشمه بیر کمیته ایجاد بولیشگه کیلیشیب آلگنلر.
